Тонгги ва кечки дуолар 2018

Tonggi wa Kechko duolar 2018

Ушбу дастурга Расулуллоҳ соллаллоҳу алайҳи васалламдан ворид бўлган тонгда ва кечки пайтларда ўқиладиган дуолар киритилган.

Анвар Аҳмад тайёрлаган.

1. Абу Ҳурайрадан (р.а.) ривоят қилинади. Расулуллоҳ соллаллоҳу алайҳи васаллам тонг отганида:

“Аллоҳумма бика асбаҳна ва бика амсайна ва бика наҳйа ва бика намуту ва илайкан нушур" ("Аллоҳим, Сенинг номинг ила тонг оттирдик, Сенинг номинг ила кеч киргиздик. Сенинг номинг ила тириламиз ва Сенинг номинг ила ўламиз. Ва Сенга қайтажакмиз"), дер эдилар. Кеч кирганида эса:

“Аллоҳумма бика амсайна ва бика наҳйа ва бика намуту ва илайкал масийр" ("Аллоҳим, Сенинг номинг ила кеч киргиздик. Сенинг номинг ила тириламиз ва Сенинг номинг ила вафот этамиз. Ва Сенга қайтажакмиз"), деб айтар эдилар. Абу Довуд, Термизий, Ибн Можалар ривояти.

3. Абдуллоҳ ибн ўанномдан (р.а.) ривоят қилинади. Расулуллоҳ соллаллоҳу алайҳи васаллам: «Ким тонг отганида:

“Аллоҳумма ма асбаҳа бий мин ниъматин фаминка ваҳдака ла шарийка лак, лакал ҳамду ва лакаш шукр", деса, кундузнинг шукрини адо қилибди.», дедилар. (Маъноси: "Аллоҳим, мен билан тонг оттирган неъматлар Сен томондандир. Сен яккаю ёлғиздирсан, Сенинг шеригинг йўқ. Сенга ҳамд ва клукрлар бўлсин”.) Абу Довуд ривояти.

“Аллоҳумма ма амса бий мин ниъматин фаминка ваҳдака ла шарийка лак, лакал ҳамду ва лакаш шукр" Ким шу дуони кеч кирганида айтса, кечанинг шукрини адо этибди. (Маъноси: "Аллоҳим, мен билан кеч киргизган неъматлар Сен томондандир. Сен яккаю ёлғиздирсан, Сенинг шеригинг йўқ. Сенга ҳамд ва шукрлар бўлсин".) Абу Довуд ривояти.

5. Уммул мўминийн Жувайриядан (р.а.) ривоят қилинади. Расулуллоҳ соллаллоҳу алайҳи васаллам эрталаб субҳ намози пайтида унинг ҳузуридан чиқиб кетдилар. У намоз ўқийдиган хонасида эди. Сўнгра зуҳо намозини ўқиб бўлиб қайтиб келсалар, Жувайрия онамиз ҳали ҳам ўтирган эдилар. Шунда Расулуллоҳ: "Чиқиб кетганимдан бери шу ҳолатда ўтирибсанми?" деб сўрадилар. Онамиз (р.а.): "Ҳа", дея жавоб бердилар. "Мен сендан кейин тўртта калимани уч мартадан айтдим, агар улар тарозида ўлчанса, сен бугун айтган нарсалардан оғир келади", - дедилар Расулуллоҳ соллалоҳу алайҳи васаллам. - Улар:

'"Субҳаналлоҳи ва биҳамдиҳи ъадада холқиҳи ва ризо нафсиҳи ва зината ъаршиҳи ва мидада калиматиҳи". (Маъноси: "Яратганларининг ададича, нафси рози бўлгунича, аршнинг вазнича, калималарнинг узунлигича Аллоҳга ҳамд айтаман ва Уни поклайман".)

Имом Муслим ривояти.

6. Абу Айюб Ансорий (р.а.) айтадилар: "Расулуллоҳ соллаллоҳу алайҳи васаллам: "Ким:

"Ла илаҳа иллаллоҳу ваҳдаҳу ла шарийка лаҳу, лаҳул мулку ва лаҳул ҳамду ва ҳува ъала кулли шайъин қодийр», деб ўн марта айтса, Исмоил зурриётидан тўрт кишини озод қилгандек бўлади", дедилар". (Маъноси:" Аллоҳдан бошқа илоҳ йўқ, У ёлғиз, Унинг шериги ҳам йўқ, бутун мулк Уники, ҳамд ҳам Унга хос ва У ҳар бир нарсага қодирдир”.)

Имом Бухорий ва Муслим ривояти.

7. Абу Саид Худрийдан (р.а.) ривоят қилинади. Расулуллоҳ соллаллоҳу алайҳи

васаллам: "Ким:

"Розийту биллаҳи роббан ва бил ислами дийнан ва бимуҳаммадин соллаллоҳу алайҳи васаллама росула", деса, унга жаннат вожиб бўлади", дедилар. (Маъноси: "Аллоҳни раббим деб, Исломни диним деб, Муҳаммад алайҳиссаломни расул деб рози бўлдим".)

Абу Довуд ривоят қилганлар.

8. Абдуллоҳ ибн Ҳубайб (р.а.) айтадилар: "Биз зулматли ёмғирли кечада Расулуллоҳ соллаллоҳу алайҳи васаллам намоз ўқиб беришлари учун у зотни ахтариб кўчага чиқдик. У зотни топганимизда "Айт", дедилар. Мен ҳеч бир нарса айта олмадим. Сўнгра яна: "Айт", дедилар. Мен ҳеч нарса айта олмадим. Сўнгра яна: "Айт", дедилар. Мен: "Эй Расулуллоҳ, нимани айтаман?" дедим. Шунда Расулуллоҳ соллалоҳи алайҳи васаллам:

"Қул ҳуваллоҳу аҳад...", "Қул аъузу бироббил фалақ...", "Қул аъузу бироббин нас.. сураларини кечки пайт ва эрталаб уч мартадан айтсанг, сенга ҳар бир нарсада кифоя қилади", дедилар". Абу Довуд, Термизий, Насоийлар ривояти.