افهمني

Comprenez-moi est une application pour identifier les personnes malentendantes et apprendre la langue des signes

كلنا بنقابل ناس صم كتير فى حياتنا سواء شغل او دراسه او حتى فى الشارع بيطلبوا مساعده

بنتمنى نساعدهم بس مبنعرفش ازاى؟

بنتمنى وقتها نعرف لغه الاشاره عشان نقدر نتواصل معاهم وميحسوش بالغربه وسطنا

على جانب تانى أم بتتمنى الناس تفهم ان ابنها ضعيف السمع او الاصم مش وصمه عار

هو زى الطفل العادى كل الفرق بس وجود مشكله فى السمع واحتياجه لطريقه تانى للكلام والتواصل مع العاديين

فى المدرسه وفى الشارع وفى البيت بنشوف الاطفال بيخافو من الاصم ومش بيلعبو ولا بيتكلمو معاه بسبب الافكار والخلفية الغلط اللى اتكونت عندهم انو عدوانى وانطواءى

ومشاكل كتييير بيواجها الطفل الاصم واسرته من المجتمع

عشان كده صممنا ابلكيشن

إفهمنى 💜

هنتعرف من خلاله عن كل مايخص زوى الاعاقه السمعيه من :

تعريف، طرق تواصل، طرق وقايه.....

وطبعآ اهم حاجه لغه التواصل عندهم وهى لغه الاشاره

هنتعلم لغه الاشاره بطريقه مبسطه جدآ

هنتعلم ازاى نتواصل معاهم بلغتهم

ازاى نفهم احتياجاتهم

كلنا بنحب نختبر نفسنا فى اللى بنتعلمه ومدى الاستفاده وبنفرح لو اتعلمنا بسرعه وسهوله، عشان كده جزء الاختبارات فى الابلكيشن مهم جدآ

هتلاقي اختبار على كل جزء بتتعلمه وهتظهر الدرجه بتاعتك بعد الاختبار وصوره تشجيعيه بتناسب درجتك ، ومزايا كتير هتشوفها لما تجرب التطبيق

الابلكيشن مش مصمم لذوى الفقد السمعى او اسرهم بس

هو مصمم لينا كلنا

كلنا لازم نتعلم ازاى نقي نفسنا واطفالنا من ضعف السمع وازاى نتواصل مع اللى فقد سمعه

علوم ذوى الاحتياجات مش مجرد كليه 4 سنين هنتخرج منها

هى كليه بتخرج اخصائيين يفيدو المجتمع كله