القطو الأثول

Qto Athol Irakd the street what he mentioned

لعبة "القطو الأثول" عبارة عن لعبة مالها سالفة. مجرد انك قطو تراكض بالشارع تاكل تشيزبرجر (صندويكة جبن لحم) تعبي طاقتك ليما تخلص.

لازم تدعم درام الزبالة (مكرم السامع) عشان تحصل نقاط وتاكل تشيزبرجر (أو صندويكة) عشان تعبي طاقتك.

دير بالك ما تجيس الماي او يدعمك تكسي (الا اذا عندك شنب! دش فيه اعفس دنيته يا شنب!)

تاريخ القطو الأثول:

بداية كان عبارة عن شخابيط اشخبطها بدفاتر وكتب الثانوية. مر الوقت وقمت اندمج فيها وقمت ابدع فيه ووصل لي مرحلة التحوّل والاستعباط.

لما يا واحد من الربع يبي يستعبط علي يقول لي "ليش ماتسويها لعبة؟". نسى اني آخذ اغلب النكت بجديّة، فسويتها لعبة.

الإضافات بالمستقبل القريب:

* إضافة التحويلات

* إضافة لوحة النقاط

* تحويل اللعبة من ثنائية الأبعاد لي ثلاثية الأبعاد

تم تسجيل الأغاني والأصوات بالتعاون مع صاحبي سالم (المعروف بـAltersal):

https://www.youtube.com/channel/UCBUUt_IIjfcv-5tMOiW06mA