بدل تذكرتك

Au lieu de votre billet avec quelqu'un d'autre vous aide à changer votre billet et la catégorie de frais de billets par le nombre de stations

بعد إرتفاع أسعار تذاكر المترو وإستغلال كل فرد يعتمد على المترو كوسيلة مواصلات رئيسية , قررنا أن نقوم بحل هذه المشكلة التى واجهت الكثير من الأشخاص فقمنا بعمل تطبيق يسمى بدل تذكرتك .

المميزات :

-: - تصميم أنيق ومريح للمستخدم

-: يوجد غرفة محادثة جماعية ويمكنك معرفه عدد المتواجدين بها قبل الدخول إلي الغرفة

-: غرفة المحادثة الجماعية يتم الاحتفاظ بأخر 100 رساله تم ارسالها ليتم رؤيتها من قبل اي شخص يدخل الغرفه في اي وقت

-: يمكن الضغط علي صوره الاشخاص من صفحه المحادثة لتكبير الصوره

يمكنك الضغط مطولا علي اي رساله في المحادثة العامه ليظهر اختيارين ( التحدث الي مرسل الرساله علي الخاص - نسخ رسالته )

-: يوجد محادثه لكي يتم الاتفاق مابينك وبين الشخص المطلوب تبديل التذكره معه

-: يوجد اشعار بالرسائل في حاله أرسال شخص رساله لك عند عدم غلق الابلكيشن بالكامل, الغلق بالكامل يقطع الاتصال بالسيرفر

-: البحث عن شخص لتبديل التذكره معه بالاعتماد علي نوع تذكرتك ومحطه التحرك ومحطه الوصول

-: حساب أقصر مسار عند استخدام محطات التحويل ومعرفة محطات التحويل المطلوبة

-: حساب عدد المحطات عند التنقل بين خطوط المترو المختلفة

الأستخدام :

-: الابلكيشن التسجيل فيه برقم التليفون لاني هيكون في تقييم لكل مستخدم علي حسب جديتة .

-: بعد التسجيل هيظهرلك صفحه تكتب فيها اسم مستعار وتحط صوره مستعاره لزوم المحادثة.

-: بعد كدا هتفتح علي صفحه تدخل فيها هتركب من انهي محطه , واخر محطه هتنزل فيها ,ونوع التذكره اللي حجزتها

البرنامج هيشوف لو انتا محتاج تبدل مع حد معاه عدد تذاكر يفيدك ولا انتا هتفيد حد

إليه عمل البرنامج حاليا بالنسبه لتبديل التذاكر:

-: لو انا راكب من المرج الجديدة وعايز انزل الدمرداش ودافع 3 جنيه بس , كدا انا محتاج اركب 12 محطه , لكن التذكره هتديني 9 محطات بس

فنتخيل لو في شخص تاني سجل في البرنامج واختار انه هيركب من حلمية الزيتون , وهينزل في حمامات القبة كدا الشخص ده يقدر يبدل التذكره مع الشخص الأولاني , لاني الشخص الأولاني تذكرته هتنزل محطه (حمامات القبة) وتذكرة الشخص الثاني تقدر تنزل محطة (الشهداء) فبكدا التبادل يصلح.

ساعتها هيظهرلك الشخص ده وتقدر تعمل محادثة معاه وتتفق معاه علي كيفيه التبادل

في واحد يقلك انا هستفاد ايه , ممكن تاخد جنيه من الشخص اللي اديته تذكرتك , وهوا كدا هيكون وفر جنيه بدال ميشتري تذكره ب 5 وانتا هتوفر جنيه واكنك اشتريت التذكره ب 2

جاري العمل علي:

-: نظام تبديل تذاكر القطار

-: ارسال صور وتسجيل صوتي في المحادثة مابين الأفراد

-: اضافة خاصيه تستطيع ان تعرف موقع كل محطه علي الخريطه وتظهرلك علي الخريطه

مازلنا نعمل على تطوير التطبيق ليكون الأفضل على الإطلاق ويساهم فى مساعدة الأشخاص الذين يعانون من هذه المشكلة فنتمنى أن تدعمونا بتقييم التطبيق بخمس نجوم وأن نقترحوا علينا أفكار جديدة تحسن من التطبيق لنقوم بإضافتها فى أسرع وقت ممكن إن شاء الله ونتمنى ان نكون عند حسن ظنكم دوماً وشكراً لكم جزيل الشكر.