पोलीस वेल्फेअर( POLICE WELFARE )

पोलीस दलामार्फत राबवलेल्या कल्याणकारी योजनांची माहीती आणि लाभ सदस्यांना मिळावा.

राज्याच्या अनेक घटकांपैकी पोलीस हा एक अत्यंत महत्वाचा घटक असुन कायदयाची अंमलबजावणी करुन समाजात शांतता-सुव्यवस्था राखण्याचे काम पोलीसांकडुन केले जाते. नैसर्गिक आपत्ती असो वा मानवनिर्मित संकट असो, कोणत्याही प्रसंगी स्वत:चा जीव धोक्यात घालुन जनतेला मदत करण्याचे काम पोलीसच करतात.

पोलीस व त्यांच्या कुटुंबियांसाठी पोलीस कल्याण निधीमार्फत अनेक कल्याणकारी योजना मांडुन अंमलात आणल्या आहेत. पोलीस आपले कर्तव्य् पार पाडण्यासाठी अहोरात्र काम करीत असताना एक कुटुंबप्रमुख या नात्याने पोलीस प्रशासनाचे वतीने पोलीस व पोलीस कुटुंबीयांसाठी विवीध कल्याणकारी उपक्रम राबविणे, त्यांची काळजी घेणे हे देखील तितकेच महत्वाचे आहे. यातुनच पोलीसांचा प्रशासनावरील विश्वास वाढेल आणि परिणामी त्यांच्या कार्यक्षमतेतही वाढ होण्यास मदत होईल. पोलीसांसाठी सेवा, आरोग्य, शिक्षण, निवास, आर्थिक सक्षमता, व्यक्तिमत्व विकास, व्यावसायिक कार्यकौशल्य अशा विविध उपक्रमांद्वारे पोलीसांच्या कुटुंबियांचे रहाणीमान उंचावण्यासाठी त्यांचा संर्वागिण विकास करण्याचा प्रामाणिक प्रयत्न केला जातो.

पोलीस दलामार्फत राबविण्यात येणाऱ्या विविध कल्याणकारी योजनांची माहीती सर्व सदस्यांना असावी आणि त्यांचा लाभ त्यांनी घ्यावा या भावनेतुन हे ॲप तयार करण्यात आलेले आहे